Кніга з’яўляецца вынікам шматгадовай працы Веткаўскага музея народнай творчасці па тэме “Семантыка традыцыйнага арнамента”, змяшчае матэрыялы экспедыцыйных і фондавых навуковых доследаў ткацкіх традыцый паўднёвага ўсходу Беларусі.
Вандроўныя сюжэты гістарычнай белетрыстыкі і рыцарскага рамана XV—XVII стагоддзяў не маглі не заблукаць з Заходняй Еўропы і ў Беларусь. Тут на іх аснове стварылі беларускія варыянты шырокавядомых твораў, якімі зачытвалася ўсё тагачаснае адукаванае грамадства.
Кнігу выдатнага мастака слова, лаўрэата Дзяржаўнай прэміі Беларусі Алены Васілевіч (нар. 1922 ) склалі тры аповесці з яе славутай тэтралогіі “Пачакай, пратрымайся”, найлепшыя апавяданні і эсэ розных гадоў.
У зборнік адабраныя навуковыя працы віцэ-прэзідэнта НАН Беларусі, першага дырэктара Інстытута мовазнаўства акадэміка С. М. Некрашэвіча, якія адлюстроўваюць асноўныя праблемы, што стаялі перад нашым мовазнаўствам у 20-я – пачатку 30-х гадоў ХХ ст. Большасць з іх доўгі час была маладаступная чытачу. Па многіх праблемах выказванні акадэміка С. М. Некрашэвіча актуальныя і сёння.
У манаграфіі прадстаўлены вынікі археалагічнага вывучэння помнікаў і матэрыялаў позняга неаліту і бронзавага веку, выяўленыя ў час даследаванняў на Панямонні на працягу амаль двухсот гадоў (пачатак XIX ст. — 2006 г.).
Метрыка №30 — адна з унікальнага збору рукапісных кніг XV—XVIII стст., што сфармаваўся, галоўным чынам, у працэсе дзейнасці канцылярыі ВКЛ. Яна змяшчае 195 копій разнастайных дакументаў, якія выйшлі з дзяржаўнай канцылярыі з 1480 па 1546 г. Гэта прывілеі вялікага князя на розныя дараванні вайскова-служыламу класу, шматлікім дзяржаўным ураднікам, магнатам, заможнай, сярэдняй і дробнай шляхце, пацверджанні на гэтыя дараванні.
Прапанаваная чытачу 70-я кніга Метрыкі Вялікага княства Літоўскага — важная крыніца для даследавання заканадаўчай дзейнасці вярхоўнай улады, гаспадаркі, сацыяльных, палітычных, царкоўна-рэлігійных працэсаў і гістарычнай геаграфіі па гісторыі Беларусі, Літвы і некаторых зямель Украіны і Польшчы XVI—XVIII стст.
Книга рассказывает об истории и культуре белорусских дорог от “пути из варяг в греки” до современных автомагистралей и адресована широкому кругу читателей.
У манаграфіі комплексна аналізуецца развіццё, арганізацыйныя структуры і ідэалогія нацыянальнага руху на пачатку XX ст. У цэнтры ўвагі знаходзіцца газета “Наша ніва”, якая выходзіла ў Вільні ў 1906—1915 гг.
