"Zагадкі Zігмунда Фрэйда" – вельмі веснавая назва. Менавіта вясною сэрца спрабуе выскачыць з цела і несціся насустрач яшчэ аднаму такому ж апантанаму сэрцу. І ва ўсім вінаваты тут спадар Фрэйд, як не круці. У ролі даследчыкаў "фрэйдызму" вырашыў выступіць беларускі гурт "Dali", таму сваю музычна-навуковую працу яны і назвалі "Zагадкі Zігмунда Фрэйда".
“Garadzkija” — беларускі рок-гурт, заснаваны Пітам Паўлавым (гітарыстам “N.R.M.”). Назва “Garadzkija”, на задуму Піта Паўлава, мае адлюстроўваць урбаністычны стыль музыкі, якую грае гурт.
Дыск "HMR" — гэта, ясна, ня той самы гэві-мэтал з 80-х, якому прысьвячалі гэтыя літары на сьценах савецкія падлеткі. Тым ня менш, гэта цалкам пасьпяховая спроба запісаць гучны альт-рок-альбом у стылістыцы сярэдзіны 90-х, замяшаны на вялікіх рыфах, з ноткамі гіп-гопу і панку.
IQ48 можна дараваць усё, што недаравальнае іншым: і мовэтонаўскія цытаты з савецкіх кінафільмаў, і няроўны вакал, і не заўжды выкшталцоныя тэксты, бо яны ствараюць настрой, бачна, што іх прэ, ад таго і прэсься сам.
"У песьнях новага альбома J:морс дыктуе адпаведную настраёвую зададзенасьць. Нельга сказаць, што гэта татальная журба ці паўнюткая дэпрэсія. Мне падаецца, што лепшым азначэньнем тут будзе словаспалучэньне шчымлівы сум, але з агаворкаю на самаіронію. Бо акурат самаіронія, нібыта вострая небясьпечная брытва, карэктуе лішкі папсовага патасу".
Думаю, гэта лепшая з усіх праграм, калі-небудзь выдадзеных "N.R.M.". Так, канцэптуальнасьць пабудовы сюжэту, што была заяўлена ў "Трох чарапахах", набыла тут лягічнасьць і асэнсаванасьць, прадуманасьць узяла гару над у нечым зразумелым жаданьнем выказацца разьняволена і так, як проста хочацца... (Зьміцер Падбярэскі)
