Тэма нумару: Варшава беларуская. Варшава ў беларускім нацыянальным жыцьці займала і займае асаблівае месца. Апісаць ўсё беларускае жыцьцё польскай сталіцы ў адным нумары часопісу, хоць і аб’ёмным, проста немагчыма. Таму яго ўкладальнікі паспрабавалі зрабіць агульны нарыс.
Тэма нумару: Як Гітлер мог перамагчы. На старонках нумару чытач знойдзе матэрыялы, у якіх у той ці іншай ступені закранаюцца разнастайныя вайсковыя аспэкты Другой усясьветнай вайны на тэрыторыі Беларусі: першы этап ваенных дзеяньняў падчас нямецка-савецкай вайны, партызанскі рух розных ідэйных кірункаў, разьвіцьцё беларускай вайсковай справы пад нямецкай акупацыяй.
“Балканскі” нумар “ARCHE” — гэта “мяшанка (месцамі — амаль выбуховая сумесь) тэкстаў самых розных жанраў, ступені акадэмічнасці і тэматыкі”. Сярод ягоных аўтараў — два нобелеўскія лаўрэаты (югаслаў Іва Андрыч і ўраджэнка Румыніі Герта Мюлер), прызнаныя класікі ХХ стагоддзя Даніла Кіш, Рэбэка Ўэст, Мома Капар, Паўль Цэлян, шырока вядомыя ў сябе на радзіме і ў замежжы сучасныя навукоўцы і літаратары Марыя Тодарава, Роберт Д. Каплан, Анджэй Стасюк, Алеш Дэбэляк, Дубраўка Угрэшыч, Фатас Любоня, Бора Чосіч, Станіслаў Страціеў, Мірча Кэртэрэску, Нэнад Вэлічкавіч і іншыя.
Тэма нумару: Аўстрыя: ад імперыі да нацыі. Што набыла і што страціла дзяржава, якая ў ХХ стагоддзі прайшла шлях ад вялізнай імперыі да невялікай дэмакратычнай рэспублікі? Якая праўда хаваецца за сцверджаннямі пра легалізаваную прастытуцыю, бяз’ядзернасць і нейтральнасць краіны? Ці можна лічыць альпійскую рэспубліку ахвярай нямецкага нацыянал-сацыялізму? Адным словам, якая Аўстрыя насамрэч?
У гэтым выданьні, якое знаёміць чытача з малавядомымі старонкамі гісторыі беларускай літаратуры, у храналягічным парадку зьмешчана пераважная бальшыня матэрыялаў, якія можна аднесьці да літаратуразнаўчай спадчыны Антона Адамовіча (1909 – 1998).
Цяпер усё апублікаванае А. Бабарэкам пры жыцьці выглядае толькі надводнай часткай айсбэргу, бо большая частка таго, што стваралася пісьменьнікам, у друк ня трапіла. Шмат што засталося ў чарнавіках, накідах, плянах–схемах. Такім чынам, сёньня зьявілася магчымасьць адэкватнай ацэнкі творчасьці і асобы Адама Бабарэкі, а таксама літаратурнага працэсу 1920—30–х гг. увогуле.
Аўтары нумару: Алесь Асташонак, Сяргей Балахонаў, Генадзь Бураўкін, Аксана Данільчык, Анатоль Івашчанка, Людміла Рублеўская, Рыгор Сітніца, Алесь Тарановіч ды іншыя.
