"Малы і Мядзведзік" – адна з найулюбёнейшых кніг у Швецыі. Аўтары з неверагоднай увагай і павагай да асобы Малога расказваюць пра свет яго захапленняў, мараў, прыдумак і гульняў. З гледзішча дарослых гэта ўсё можа падавацца дробяззю. Але Мама Малога гэтак не лічыць. Ва ўсім для Малога яна найлепшы дарадца і сябра.

Паводле вядомых сюжэтаў беларускага фальклору і класічнай літаратуры аўтар прапаноўвае свае версіі казак. Кніга падштурхоўвае чытача пафантазіраваць і прыдумаць уласныя версіі.

Анатоль Жук, Віялета Богдан і Уладзімір Васькоў – добрыя чараўнікі, якія таксама былі малымі і верылі ў цуд. Героі іх казак – дахавікі Казік і Юзік, крынічка Буль-Буль, Зорачка, самалёцік Лёцік – такія розныя, але іх аб’ядноўвае адно: імкненне дарыць радасць іншым. А што для гэтага трэба, вы даведаецеся, прачытаўшы кніжку.