Палявы вызначальнік. — Варшава: Навуковае выдавецтва ПНВ, 2000. — 540 с.: іл.

ISBN 83-01-13187-X

Кніга з’яўляецца першым навуковым вызначальнікам птушак на беларускай мове, таксама як і наогул першым беларускамоўным выданнем гэткага кшталту, прысвечаным птушкам усяго кантынента Еўропа.

Вызначальнік быў упершыню выдадзены на польскай мове ў 1982 г. Зараз ён значна перапрацаваны і дапоўнены аўтарамі і выдаецца адначасова на польскай і беларускай мовах. Акрамя таго, беларускамоўнае выданне дапоўненае самымі новымі на канец дваццатага стагоддзя звесткамі аб статусе відаў птушак на Беларусі.

Вызначальнік ахоплівае ўсіх птушак, якія сустракаюцца ці калі-небудзь сустракаліся на тэрыторыі Беларусі, таксама як і тых, якія не сустракаюцца ў нас, але гняздзяцца на тэрыторыі іншых краін Еўропы ці вядомыя там у якасці больш-менш частых залётных відаў або сезонных мігрантаў.

 Беларускія назвы некаторых птушак, якія вы знойдзеце ў гэтай кнізе, адрозніваюцца ад тых, што ўжываліся ў выданнях у савецкія часы і ўяўлялі сабой, у большасці, вымаўленне па-беларуску рускіх назваў. Таму для вызначальніка мы скарысталі першапачатковыя беларускія назвы, якія ўжываліся ў навуковых працах да 1920-х гадоў, пакуль не былі замененыя на русіфікаваныя. Зараз гэтыя беларускія адноўлены і апрацаваны спецыяльнай камісіяй Інстытута заалогіі Нацыянальнай акадэміі навук Беларусі, у склад якой увайшлі таксама спецыялісты дзяржаўнага і педагагічнага універсітэтаў, выдавецтва “Беларуская энцыклапедыя”, грамадскіх арганізацый “Ахова птушак Беларусі” і “Заходне-Беларускае таварыства аховы птушак”. Таксама яны былі ўхваленыя і прапанаваныя для шырокага карыстання тэрміналагічнай камісіяй пры Міністэрстве адукацыі і навукі Рэспублікі Беларусь.


 ЗМЕСТ
 
Уступ
     Размяшчэнне і колькасць птушак у свеце і ў Беларусі
     Палёт птушкі
     Характэрныя спосабы руху птушкі
     Структура вызначальніка
     Ідэнтыфікацыя птушак
     Што і як патрэбна назіраць
     Да ўвагі чытачоў
     Інфармацыя, што датычыцца апісальнай часткі вызначальніка
Бібліяграфія
Апісанне відаў 
Паказальнік лацінскіх назваў птушак
Каляровыя табліцы