"Міколка-паравоз" – шырока вядомая аповесць народнага пісьменніка Беларусі Міхася Лынькова пра жыццё і прыгоды хлопчыка Міколкі, сына чыгуначніка. Нязменнай папулярнасцю ў дзяцей карыстаецца аповесць "Пра смелага ваяку Мішку і слаўных яго таварышаў". Гэты твор пра сяброўства медзведзяняці, казла і сабакі, якія ў дні Грамадзянскай вайны разам з чырвонармейцамі ўдзельнічаюць у баявых паходах, падбадзёрваюць байцоў дасціпнымі хітрыкамі, здзяйсняюць фантастычныя подзвігі.

На Зямлю ў касмічным караблі прыляцелі робаты-разведчыкі. Яны называюць сябе Эрпідамі. Эрпіды атрымалі заданне даведацца, што ўяўляюць з сябе Зямля і чалавек. Пра знаёмтсва робатаў з зямлянамі і расказвае аўтар у сваёй фантастычнай і вясёлай аповесці.