Гістарычныя аповесці / Пер. з польскай мовы, прадмова і каментары М. Кенькі. — Мінск: Мастацкая літаратура, 2009. — 335 с. — (Скарбы сусветнай літаратуры). Цв. вокл.

ISBN 978-985-02-1147-7

У кнізе ўпершыню на беларускай мове друкуюцца гістарычныя аповесці вядомага беларускага і польскага пісьменніка Юзафа Ігнацыя Крашэўскага (1812—1887), у якіх па-мастацку ўзнаўляюцца драматычныя падзеі часоў Вялікага Княства Літоўскага.

Артыкул пра аўтара ў Вікіпедыі

ЗМЕСТ

“Як галінкі ад дрэва…” Міхась Кенька

КАРОЛЬ У НЯСВІЖЫ. 1784
АПОШНЯЯ СА СЛУЦКІХ КНЯЗЁЎ

Каментарыі

***

У аповесці “Кароль у Нясвіжы. 1784” распавядаецца пра паездку на сейм у Гомель у 1784 годзе апошняга караля польскага і вялікага князя літоўскага Станіслава Аўгуста Панятоўскага. У аповесці пераплятаюцца дзве сюжэтныя лініі. Адна — дакументальная, у якой дэталёва апісваецца візіт манарха ў Нясвіж , другая звязана з прыдуманым персанажам — цёзкам караля, бедным шляхціцам Панятоўскім, які служыў пры двары Радзівіла. Шляхціц хацеў скарыстаць прыезд караля ў сваіх мэтах і праз гэта перажыў шэраг займальных прыгодаў.

У аповесці “Апошняя са слуцкіх князёў” дзеянне адбываецца ў 1599—1600 гг.; у ёй праўдзіва паказана своеасаблівая “траянская вайна” з-за слуцкай князёўны Соф’і Алелькавіч паміж прадстаўнікамі двух магнацкіх родаў Вялікага Княства Літоўскага — Крыштафам Радзівілам і Геранімам Хадкевічам.