Незвычайная казка пра караля Віндаўса Вялікага, Віруса Шкодзю і чароўныя камп’ютэры: Для мал. шк. узросту / Маст. Наталія Кійко. — Мінск: Мастацкая літаратура, 2009. — 62 с.: іл. — (Казкі XXI стагоддзя).

ISBN 978-985-02-1026-5

Карыстальнікам камп’ютэраў, відаць, неаднойчы даводзілася сутыкацца з праблемамі, створанымі камп’ютэрнымі вірусамі. Пра аднаго з іх — Віруса Шкодзю — і распавядаецца ў новай кнізе вядомага пісьменніка Анатоля Бутэвіча.

Незвычайныя прыгоды і адмысловыя штукарствы хітрага, вераломнага — а часам наіўнага і нават... закаханага Віруса пацешаць юных чытачоў і дарослых, падаруюць радасць ад сустрэчы з кнігай.

Артыкул пра кнігу ў "Звяздзе".

ЗМЕСТ

Каралеўства Віндаўса Вялікага
Бунт у каралеўстве
Чароўная Мышка
Маладзільны Клён
Як Шкодзя хацеў каралём стаць
Каму нашкодзіў Вірус Шкодзя
Шкодзя закахаўся

Хто з нас у маленстве не марыў пра далёкія падарожжы, пра нябачаныя краіны, пра спатканне з самім Кавалём-Вярнідубам? Знайсці ўсё гэта мы маглі толькі ў кніжках, што распавядалі пра гэтыя незвычайныя – чамусьці яны заўсёды ўяўляліся нам заморскімі — далёкія землі. Калісьці не было такой складанай сучаснай тэхнікі, якая дазваляе за адно імгненне абляцець усю зямлю. А таму мы назаўсёды палюбілі чароўны свет кнігі. Палюбілі, каб ніколі не расставацца, нягледзячы нават на з’яўленне сучасных камп’ютэраў. Сёння ж абы жаданне – хуткасны інтэрнэт імгненна перанясе вас за сотні і тысячы кіламетраў ад роднага парога.

Калісьці я не меў доступу да інтэрнэта, не плаваў па яго бязмежным інфармацыйным акіяне. Ды вось надарылася і мне наведаць чароўнае каралеўства Сусветнае Сеціва. І я ўжо не мог абысціся без гэтага раней нязвыклага камп’ютэрнага свету. І казкі сталі пісацца таксама пра чароўную краіну, дзе нароўні з добрым каралём Віндаўсам Вялікім творыць свае няўдзячныя справы Вірус Шкодзя.

Калі страціш пільнасць, то ў адно імгненне можаш і ты трапіць у расстаўленыя ім сеткі! Але ў гэтай кнізе ты можаш сустрэцца і з чароўнай дакторкай Лісой. Можаш даведацца, як Вірус Шкодзя закахаўся ў дачку караля Віндаўса Вялікага і што з гэтага атрымалася. І шмат што яшчэ чакае цябе ў Сусветным Сеціве і на планеце Вірусанія. А таму — адкладзі на нейкі час чароўную Мышку свайго камп’ютэра і вазьмі ў рукі кнігу. Не пашкадуеш...

Анатоль Бутэвіч