Белая муха, забойца мужчын

няма водгукаў

Бахарэвіч Альгерд

14.10 руб.

Памер: 130x200 мм

Вага: 305 г

Purchase

Няма на складзе

Галіяфы Проза Ляўрэаты літаратурных прэміяў Лонг-ліст Прэміі Гедройца’2016 Бахарэвіч Альгерд

Апісаньне

Раман. — Мінск: Галіяфы, 2015. — 240 с.

ISBN 978-985-7140-07-7

Гэты раман Альгерда Бахарэвіча — гісторыя жаночай банды, “дзевак без цара ў галаве”, якія кінулі выклік патрыярхальнаму грамадству. Хто яны: тэрарысткі, вар'яткі, мастачкі? Або проста прывіды мінулага, з якімі нечакана сустракаецца галоўны герой кнігі?

Альгерд Бахарэвіч прадставіў свой фемінісцкі раман (Марыя Грыц, рэпартаж з прэзэнтацыі)

Валеры Гапееў пра кнігу Бахарэвіча. Горыч змарнаваных нагодаў (BUDZMA.ORG)

ЗЬМЕСТ Паглядзець

ФРАГМЭНТ З КНІГІ Паглядзець

…Аповед пра тую дзявочую банду я пачуў ад знаёмага паэта У. Л. Мы сядзелі зь ім і ягонай жонкай-перакладчыцай у самай знакамітай менскай кавярні, яны пацягвалі віно, я — каньяк, быў вечар, і кавярня запаўнялася, як пясочны гадзіньнік. І хоць аповед быў зусім кароткі, бо гаварылі мы, уласна кажучы, зусім не пра гэта — маё ўяўленьне адразу ж дамалявала ўсе падрабязнасьці, і легенда ўспомнілася так ясна, быццам я сам быў яе ўдзельнікам. Я сапраўды чуў яе ў дзевяностых, калі праходзіў пэдпрактыку ў адной зь менскіх школаў. Школа была на самым краі гораду, і таму ўсе чуткі даходзілі да нас у апошнюю чаргу.

Я ўспомніў ня толькі гісторыю, але і самае важнае.

Што ў той час, калі яна адбывалася, мне дужа карцела зрабіцца яе пэрсанажам.

Хацелася хаця б раз апынуцца на месцы ахвяраў — і адчуць боль і асалоду дзявочай жорсткасьці. Але тады я іх не зацікавіў — тых велічных і сьмяшлівых зламысьніц. Калі я вучыўся ў школе, мяне білі толькі мужчыны — і я біў толькі мужчын. Я цэліў у вочы і скулы, вырываўся, падаў, падымаўся, глытаў соплі і кроў, задыхаўся і зноў лез у бойку. А мне хацелася ляжаць, сагнуўшыся, і стагнаць. Гаварыць пра боль на ягонай мове…